बगेडी

मन परेर होकि तिमी घिन गरेर होकि
भित्तातिर फर्क्यौ किन कान्छी-औंलो टोकी ?
भित्री मन छामिहेर्दा मन परेझैं लाग्छ ।
सिमल-भुवा कपाल देख्दा मन मरेझैं लाग्छ ।।- १

भावनाको हात समाई लखर्-लखर् डुल्ने ।

शब्दसँग खेल्नपाए घरै पनि भुल्ने ।।

के गरेर छुटाऊँ म पुर्पुराको खत ।

भाषासँग पासा खेल्ने बस्यो मलाई लत ।।- २

जालीरुमालैमा हजुर आँसु पठा'कोछु ।

आँसुसँगै आधा मेरो मासु पठा'कोछु ।।

कुर्ले भीरमा घुटुर्-घुटुर् मलेवाको जोडी ।

मेरो हजुर विदेशियौ गाउँघर छोडी ।।- ३