Friday, June 24, 2016

मुक्तक

चोक-सडक र गल्ली भत्काएको विराटनगर शहरजस्तो

यौवनले अर्कै प्रेमिका टिपेपछिको उमेरको प्रहरजस्तो।


साठीको नजिकमा पुगेको कृष्ण वस्तीको फूर्तिफार्ति


भूपीले कविताका लागि बिम्बमा उतारेको घन्टाघरजस्तो।।

Sunday, June 19, 2016

विद्रोहको पहिलो छलाङ

  अघिल्लो शैक्षिक सत्रको आधासमय बितिसकेको अवस्थामा धरान
पढन आएको मात्र १३ वर्षको किशोर म।पहिले नै छात्राबासमा
राखिदिएको भए कुरो अर्कै हुनेथियो सायद।लोकनाथ गुरु राधा
दिदीका साथमा बसें।परीक्षामा राम्रो अङ्क ल्याएर उत्तीर्ण भएँ।

Wednesday, June 15, 2016

घुम्तीलाई फर्की हर्दा

नेटो मन्दिरझैं पवित्र पथमा सन्सार मेरो थियो
बग्दो कल्कल चित्तको लहरको तस्बीर प्यारो थियो।
पोल्टाभित्र वसन्तको विगतमा खेल्थें म खद्योत भै
लाग्थ्यो जीवन यो कुनै दिन कठै वैशाखको ओठझैं।१।

Monday, May 30, 2016

सराद्धेको संकल्प

म श्री चन्द्र संस्कृत मा.वि. धरानमा समकृततर्फको प्रथमा( कक्षा ८)मा
पढ्दै गरेको साल २०२७ को माघ महिनातिरको कुरा हो यो।विद्यालयमा
पढाउने गुरुहरू मध्ये एकजना हुनुहुन्थ्यो ।लोकनाथ लुइँटेल ।व्याकरण
साहित्य,नेपाली, गणित नागरिकशास्त्र,इतिहास,तर्कशास्त्र जस्ता संस्कृत
शिक्षाको माध्यमिक तहमा पढाइ हुने सबै विषय कुशलतापूर्वक पढाउनु हुने
उहाँ अहिले सेवा निवृत्त हुनुहुन्छ।तथापि उहाँप्रतिको मेरो श्रद्धा र बहुमुखी
ज्ञानप्रति म सदैव ऋणी रहेको छु।नाताले उहाँ मेरा फुपाजु पर्नुहुन्छ तर नाता
भन्दा  बहुप्रतिभाशाली कुशल गुरु मेरा लागि पहिलो हुनुहुन्छ।

Friday, May 13, 2016

बुलाकीनिरको फुली

दिवा-निशामा अनि गोधुलीमा
कछाड-बेंसी गिरिका चुलीमा।
सर्वत्र यौटै नहुने हुँदो भो
अल्झें बुलाकीनिरको फुलीमा।।