गजल

                  १

यता कोयलीको अनौठो गला छ,
उता प्रेममा प्रेयसीको कला छ।।

                   २
खुलेको छ धर्ती जहाँ जून बोकी
त्यहाँ जिन्दगीको सुनौलो पला छ।।
                  ३
सधैँ काँधमा बोक्नसक्ने हिमाल
यहाँ काखमा धान राख्ने खला छ।।
                  ४
सबै भीर-पाखा-पखेरा नियाल्दै
छिचोल्ने धरा निर्झरी चञ्चला छ।।
                 ५
नदी-भित्र पानी नबग्ने कहाँ छ
किनारा कठै !घामले टन्टला छ।। 
                  ६
पराया कसैको नराखी गुनासो
स्वयं पौरखी बन्नुमा नै भला छ ।।
                 ७
ढिंडो-साग-सिस्नो-पिठोमा रमेको
अहो! खेल सानन्दको सैसला छ।।
                  ८
उँभो लेकका भेकमा आलुचा वा
उँधो जामुनो, बीचमा सुन्तला छ।।
                ९
फुटाएर बाँझो सधैँ कर्म गर्ने
खुला पौरखी जिन्दगानी बला छ।।