मुक्तक

नेपाली हो ! खिलराजको नउडाउनू खिल्ली
चारचाँदे नेतालाई भन्नुहुन्न सिल्ली
पर्ख-पर्ख केही दिनमै जारी हुन्छ उर्दी
नेपालको राजधानी भन्न लाउँछन् 'दिल्ली' ।।

००००००००००००००००००००००००००००००००

मैले यौटा नेतालाई सोधें के हो चाला?
नेपाल र नेपालीको काढ्यौ किन छाला ?
बोली खस्न नपाउँदै दियो धम्की गाँठे
"तेरो मिति पुर्याइदिन्छु, चुप लाग् वस्ती साला ।"
००००००००००००००००००००००००००००००००००

चिठी लेखेपछि घाममा, मसी सुकाउँदैथें ,
बा-आमाको आँखा छल्न, खसी फुकाउँदैथें
मन परेको जूनलाई नचोर्नुथ्यो चोरें
नबोल्नुको बाहनाले, दसी लुकाउँदैथें ।।