तीन मुक्तक

देउतासँग दिक्क लाग्यो पाती छोडें मैल
बास बस्नु नपरे'छि पाटी छोडें मैले
लोकतन्त्रको नाममा अर्को जमिन्दारी खुल्यो
राजनीतिमा घृणा जाग्यो पार्टी छोडें मैले ।।



००००००००००००००००००००००००००००००
किरणजीको माओवादी पलायो रे ड्यासमा ,
प्रचन्डको माओवादी बिलायो रे क्यासमा
झण्डा बेग्लै काम उस्तै एमाले र काङ्ग्रेस
इमान होइन बेइमानी पो गन्हाउँछ रे सासमा ।।
००००००००००००००००००००००००००००००००

खिलराजको कमण्डलु चार दलको भिक्षा 
के लिएर फिर्ने होलान् कुर्सी छोड्दा शिक्षा ?
कुसुलेको पाँच औंली पुलीको नाच
मरेकोलाई केको ऐया ? जिउँदोलाई पो दुख्छ ।।